E representacion ta un asina yama “puesto avansa” di Hulanda cu tin 3 oficina. E oficina principal ta na Willemstad, Curaçao (VNW), e di dos ta na Oranjestad, Aruba (VNO) y e di tres ta na Philipsburg, Sint Maarten (VNP).
E puestonan avansa ta representa Hulanda cerca gobierno di e paisnan aki.
Representante di Hulanda na Aruba, Curaçao y Sint Maarten ta hefe di e Representacion. Cada sede tin un hefe. E hefenan aki ta tambe representante sustituto di Hulanda na Aruba, Curaçao of Sint Maarten.
Tarea di e Representacion
E Representacion ta:
- Acesora/conseha e minister Hulandes di Asuntonan Interior y Relacionnan den Reino;
- informa y duna conseho riba e maneho stipula pa Curaçao, Sint Maarten y Aruba;
- guia e bishitantenan oficial di ministernan, secretarionan di Estado y delegacionnan Hulandes;
- realisa tareanan electoral pa eleccion di Tweede Kamer (Parlamento Hulandes), eleccionnan Europeo y referendum;
- referi Hulandesnan kendenan no sa na cua instancia local nan tin cu acudi;
- ofrece yudansa na Hulandesnan cu ta den problema;
- brinda atencion na detenidonan Hulandes kendenan ta deteni na Aruba, Curaçao y Sint Maarten;
- duna informacion, por ehempel, tocante rijbewijs y paspoort;
- emiti codigo pa activa DigiD;
- expedi “attestatie de vitae”. Esaki ta un prueba por escrito cu un persona ta na bida. Algun instancia manera companianan di seguro Hulandes ta pidi un “attestatie de vitae”. Por ehempel, prome cu nan paga placa di pensioen, pensioen (renta) vitalicio y beneficionan similar.
Asistencia den situacion di emergencia
Representacion ta yuda Hulandesnan na Curaçao, Sint Maarten of Aruba. Por ehempel, si nan haya nan den dificultad pa motibo di crimen of un desgracia. Representacion no ta fia placa, pero e ta pone e persona den contacto cu miembronan di su famia, conoci- of instancianan.
Representacion ta duna asistencia na:
- Hulandesnan cu no ta biba permanentemente na Curaçao, Sint Maarten of Aruba;
- doño di un paspoort valido pa refugiadonan;
- doño di un paspoort valido pa stranheronan.
Den algun caso e hendenan ta ricibi yudansa, mientras cu nan ta wardando riba nan expulsion. Ta trata di personanan kendenan ta biba sin permit di residencia valido na Curaçao, Sint Maarten of Aruba.
Registra como votado
Bo ta Hulandes y bo ta biba na Curaçao, Sint Maarten of Aruba? E ora ey bo por participa na eleccion di Tweede Kamer, eleccion pa Parlamento Europeo y na un referendum consultativo.
Bo kier vota? E ora ey bo mester registra di antemano como votado. Bo ta haya e formulario di registracion riba www.stemmenvanuithetbuitenland.nl.
Si ta via carta bo ta vota, anto e ora ey bo ta ricibi un carta di votacion, carchi di vota y e envelop corespondiente.
Pero prome bo mester registra.
Solicita DigiD na Aruba, Curaçao of Sint Maarten
Como Hulandes na Aruba, Curaçao of Sint Maarten bo por solicita un DigiD online. Bo por pasa busca bo codigo di activacion na e balie di DigiD na Representacion di Hulanda (de Nederlandse Vertegenwoordiging).
Contacto cu “Vertegenwoordiging van Nederland”
Representacion di Hulanda tin su sede na Aruba, Curaçao y Sint Maarten:
Vertegenwoordiging van Nederland na Aruba (VNO)
L.G. Smith Boulevard 44, Oranjestad, Aruba.
Telefon: 00297 525 28 66 of +31 70 426 89 03
Fax: 00297 525 28 50
e-mail: vnoinfo@minbzk.nl
Vertegenwoordiging van Nederland na Willemstad, Curaçao (VNW)
Scharlooweg 55, Willemstad, Curaçao
Postbus 441
Telefon: 00599 94 34 32 00
Fax: 00599 94 61 47 05
e-mail: vnwinfo@minbzk.nl
Vertegenwoordiging van Nederland na Philipsburg, Sint Maarten (VNP)
Frontstreet 26, Philipsburg, Sint Maarten
Postbus 502
Telefon: 001 721 543 01 40/41
Fax: 001 721 543 01 42
e-mail: vnpinfo@minbzk.nl